2025 jylǵa qaraı Qazaqstan qansha munaı óndiredi

ASTANA. QazAqparat - 2025 jylǵa qaraı Qazaqstan munaı óndirý kólemin 104 mln tonnaǵa jetkizedi. Bul týraly búgin elordada halyqqa esep berý kezdesýi barysynda QR Energetıka mınıstri Qanat Bozymbaev aıtty, dep habarlaıdy QazAqparat tilshisi.

«Barlyq sektorlar shegindegi kórsetkishterde munaı-gaz salasy ótken jyldyń sáıkes kezeńimen salystyrǵanda ósim kórsetip otyr. Josparly 1 paıyz ósim kezindegi naqty ósim bes aıda 6,5 paıyzdy qurap otyr. Munaıdy qaıda óńdeý kólemi 6,3 mln tonnaǵa jetip, 2017 jyldyń sáıkes kezeńimen salystyrǵanda 6,2 paıyz ósim boldy», - dedi mınıstr.

Onyń aıtýynsha, munaı eksporttaý ósiminiń jospary 1,4 paıyz bolǵan, al naqty ósim 5,7 paıyzǵa jetip otyr. Gaz óndirý jospary 0,8 paıyz bolǵanda, naqty ósim 6,4 paıyzǵa jetti. Suıytylǵan jáne taýarlyq gaz óndirisi ósiminiń jospary 3 jáne 4,1 paıyzdy qurasa, naqty ósim sáıkesinshe 4,7 jáne 7,6 paıyzdy qurady.

«Ózderińiz de kórip otyrǵandaı, dınamıka tań qaldyrady. Elimizdiń munaı óndirý ósiminiń draıveri teńiz, Qarashyǵanaq jáne Qashaǵan syndy úsh iri munaı-gaz jobasy bolyp tur. Olar orta merzimdi kezeńde el ekonomıkasynyń ósimine aıtarlyqtaı úles qosady. Munaı óndirý kólemi jyl saıyn artyp keledi jáne bizdiń boljamymyzsha, 2025 jylǵa qaraı keminde 104 mln tonnalyq deńgeıge jetýge tıispiz», - dedi Qanat Bozymbaev.