2025 jylǵa qaraı elimizde 50 jańa aýrýhana salynady
«Medıtsınalyq kómektiń qoljetimdiligin ásirese aýyldyq jerge qamtamasyz etý úshin kelesi is-sharalar qabyldanatyn bolady. Alǵashqy medtsınalyq-sanıtarlyq kómektiń attam jerde qoljetimdiligin qamtamasyz etý úshin 2025 jylǵa deıin AMSK-niń 487 nysany, onyń ishinde aýyldyq eldi mekenderde 137 nysany salynady», - dedi ol.
Mınıstrdiń atap ótýinshe, osy is-sharalardy júzege asyrýdyń nátıjesinde bir dárigerge bekitilgen turǵyndardyń sany 1 860-tan 1 700 patsıentke deıin tómendeıdi.
«2025 jylǵa deıin eski jáne apatty medıtsınalyq uıymdar jelisin jańartý úshin 50 jańa nysan qurylysy júrgiziledi. Onyń ishinde MJS tetigi arqyly qalalarda 20 iri zamanaýı klınıka, 5 respýblıkalyq ǵylymı ortalyq, 2 respýblıkalyq aýrýhana, 6 qalalyq jáne oblystyq aýrýhana, 16 aýdandyq aýrýhana men emhana salynady», - dedi Alekseı Tsoı.
Sonymen qatar ol jumys istep turǵan 840 medıtsınalyq nysan, onyń ishinde aýyldyq jerdegi 766 nysan kúrdeli jóndeýden ótetindigin aıtty.
«Osy is-sharalardy júzege asyrýdyń nátıjesinde 2023 jyly medıtsınalyq uıymdar ǵımaratynyń tozý kórsetkishi 58-den 44 paıyzǵa deıin tómendeıdi. Buǵan qosa, densaýlyq saqtaýǵa jeke ınvestorlardyń úlesi 37-den 42,8 paıyzǵa deıin artady», - dedi mınıstr.