2025 jylǵa qaraı Aqtóbe oblysynda 114 myń jańa jumys orny ashylady
Mınıstrdiń aıtýynsha, Aqtóbe oblysynyń 2021-2025 jyldarǵa arnalǵan áleýmettik-ekonomıkalyq damýynyń keshendi josparyn iske asyrý 2025 jylǵa qaraı 114 myń jańa jumys ornyn qurýdy, shamamen 5,8 trln jeke ınvestıtsııalardy tartýdy qamtamasyz etedi.
«Óńdeý ónerkásibiniń kólemi - 21,6 paıyzǵa, aýyl sharýashylyǵy ónimderi - 37 paıyzǵa, jaqsy jáne qanaǵattanarlyq jergilikti joldardyń úlesi – 34 paıyzǵa, halyqtyń aqshalaı tabystary - 41,8 paıyzǵa, turǵyn úılerdi paıdalanýǵa berý – 21 paıyzǵa jáne qurylys jumystarynyń kólemi 60,7 paıyzǵa ósedi. Jalpy óńirlik ónimniń naqty ósimi 27,4 paıyzǵa artady», - dedi Áset Erǵalıev.
Onyń atap ótýinshe, keshendi jospardy iske asyrý óńirdiń damýyna sapaly jańa serpin berýge, ekonomıkasyn ártaraptandyrýǵa jáne ınvestıtsııalar tartýǵa múmkindik beredi.
«Orta merzimdi perspektıvada jalpy óńirlik ónimniń jyl saıynǵy ósimi 5-6 paıyzǵa artady. Joǵaryda atalǵan keshendi jospardaǵy jobalardy iske asyrý keleshekte halyqtyń ál-aýqatyn jaqsartýǵa oń áser etedi», - dedi ol.
