2025 jylǵa qaraı 600 myń gektardan astam jańa sýarmaly jer ıgeriledi
NUR-SULTAN. QazAqparat – 2025 jylǵa qaraı 600 myń gektardan astam jańa sýarmaly jer ıgeriledi. Bul týraly Májilistegi «Nur Otan» partııasy parlamenttik fraktsııasynyń keńeıtilgen otyrysynda Úkimet basshysy Asqar Mamın aıtty, dep habarlaıdy QazAqparat tilshisi.
«2025 jylǵa qaraı 600 myń gektardan astam jańa sýarmaly jer ıgeriledi. Bul qosymsha shamamen 70 myń otbasshylyq sharýashylyq qurýǵa múmkindik beredi. Jalpy halyq sany 900 myńnan asatyn 246 aýylǵa gaz tartylady. Nátıjesinde 2025 jylǵa qaraı gazdandyrý deńgeıi 60 paıyzǵa jetedi», - dedi Úkimet basshysy «Nur Otan» partııasynyń «Ózgerister joly: ár azamatqa laıyqty ómir!» Saılaý baǵdarlamasyn oryndaýdyń Jol kartasyn talqylaý barysynda.
Onyń atap ótýinshe, jańa óńirlik standarttarǵasáıkes, elimizdiń barlyq óńirinde 3,5 myńnan astam aýyl jańǵyrtylady.
«2025 jylǵa qaraı halyqtyń 99 paıyzyna joǵary jyldamdyqty ınternet qoljetimdi bolady. 2025 jylǵa qaraı otandyq naryq ózindik óndiris esebinen áleýmettik mańyzy bar azyq-túlik taýarlarymen tolyq qamtamasyz etiledi», - dedi Asqar Mamın.
