2025 jylǵa deıin jyl saıyn 150 jańa vagon satyp alynady

NUR-SULTAN. QazAqparat - QR Indýstrııa jáne ınfraqurylymdyq damý mınıstrligi Kólik komıteti tóraǵasynyń orynbasary Jánibek Taıjanov bılet tapshylyǵyn joıý sharalary týraly aıtyp berdi, dep habarlaıdy QazAqparat tilshisi.

Onyń aıtýynsha, bılet tapshylyǵyn qoldan jasaý men alypsatarlyq negizgi máselelerdiń biri bolyp otyr.

«Búginde bılet tapshylyǵyn qoldaýǵa qarsy jumystar jalǵasýda. Zańsyz alypsatarlyqty toqtatý úshin temir jol tasymalyndaǵy turmystyq jemqorlyqty joıý jóninde jol kartasy qabyldanǵan. Jolaýshylar tasymaly júıesin jaqsartý jospary qurylyp, bılet tapshylyǵyn joıý boıynsha jumys toptary quryldy. «QTJ» UK AQ revızorlyq qyzmeti kópfýnktsııaly ortalyqtar bolyp qaıta quryldy», - dedi J. Taıjanov mınıstrlikte ótken brıfıngte.

Sonymen birge, QR Ákimshilik qubyq buzýshylyqtar kodeksine ózgerister engizip, alypsatarlarǵa qatysty qatań sharalar qoldaný qarastyrylǵan.

«Ázirge vagon tapshylyǵyn tómendetý úshin bıyl 63 vagon alyndy, onyń 40 danasy qoldanýǵa berildi. Qyrkúıektiń sońyna deıin 23 vagon jetkiziledi. «Nurly jol» memlekettik baǵdarlamasyna sáıkes, 2025 jylǵa deıin jylyna 150 vagon satyp alýdy kózdep otyrmyz», - dedi spıker.