2025 jylǵa deıin Jetisý oblysynda 4 órt sóndirý deposy salynady

TALDYQORǴAN. QazAqparat – 2025 jylǵa deıin Taldyqorǵan men Tekelide, Kóksý jáne Alakól aýdandarynda 4 órt sóndirý deposy salynady. Bul týraly Jetisý oblysy halqymen kezdesýi barysynda Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat vedomstvonyń baspasóz qyzmetine silteme jasap.

«2025 jylǵa deıin Taldyqorǵan jáne Tekeli qalalarynda, Kóksý jáne Alakól aýdandarynda 4 órt sóndirý deposyn salý kózdelgen. Óńirdi damytýdyń 2026 jylǵa deıingi jospary sheńberinde 11 ǵımaratqa kúrdeli jóndeý júrgizý, 2025 jylǵa deıin qulaqtandyrý júıesi men órt tehnıkasyn satyp alý qarastyrylyp otyr», - dedi mınıstr.

ıÝrıı Ilınniń aıtýynsha, oblysta túrli maqsattaǵy 123 tehnıka bar. Bıylǵy jyl sońyna deıin adamdardy qutqarý, TJ-nyń aldyn alý jáne olardy joıý úshin 8 tehnıka satyp alý josparlanyp otyr.