2025 jylǵa deıin Ulttyq arhıv qorynyń 20 paıyzy tsıfrlandyrylady
«Tsıfrlandyrý, ǵylym jáne ınnovatsııalar esebinen tehnologııalyq serpilis» ulttyq jobasyna sáıkes 2025 jylǵa deıin Ulttyq arhıv qorynyń 20 paıyzy tsıfrlandyrý josparlanyp otyr. Búgingi kúni Ulttyq arhıv qorynyń 1 mln-ǵa jýyq saqtaý birligi elektrondyq formatqa kóshirilgen. Onyń ishinde 6 myńnan astam saqtaý birligi ekinshi dúnıejúzilik soǵysqa qatysty málimetterdi qamtıdy», - dedi Premer-Mınıstr jaýabynda.
Úkimet basshysynyń dereginshe, elektrondyq formatqa kóshirilgen qujattar «E-arhıv» aqparattyq júıesine kezeń-kezeńimen júktelip jatyr. Nátıjesinde, azamattar men ǵalymdar arhıvtik anyqtamalardy elektrondyq formatta alý múmkindigine qol jetkizedi.
«Maıdangerler týraly málimetterdi izdestirýdi jeńildetý úshin keıbir óńirlerde arnaıy elektrondyq derekqorlar jasaqtalǵan. Mysaly, Soltústik Qazaqstan oblysynda ekinshi dúnıejúzilik soǵysqa qatysqan jerlester týraly tolyq aqparat beretin «Esimderi máńgilik jadymyzda» atty elektrondyq bazasy jumys jasaıdy. Keleshekte mundaı tájirıbe basqa óńirlerge taratylatyn bolady», - dedi Álıhan Smaıylov.