2025 jylǵa deıin respýblıkalyq mańyzy bar 24 myń shaqyrym jol jańartylady

NUR-SULTAN. QazAqparat – 2025 jylǵa deıin respýblıkalyq mańyzy bar 24 myń shaqyrym jol jańartylady. Bul týraly búgin Qazaqstan halqyna Joldaýyn jarııa etken QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

Kólik-logıstıkalyq keshendi damytý da ózekti másele bolyp qala beredi. «Nurly jol» baǵdarlamasynyń birinshi kezeńin júzege asyrý tabys boldy. Ol elordany elimizdiń óńirlerimen sáýle prıntsıpimen jalǵaýǵa múmkindik jasady. Kólik júıesiniń jańa sulbasy qalyptasty. Eldiń jahandyq kólik dálizdermen ıntegratsııasy qamtamasyz etildi. Qazaqstannyń Azııa men Batys arasyn jalǵaýshy býyn retindegi tarıhı mártbesi qalpyna keltirildi», - dedi Qazaqstan Prezıdenti.

Degenmen, Memleket basshysy bul saladaǵy básekelestiktiń joǵary ekendigin atap ótti.

Ortalyq Azııa óńirinde balama jobalar paıda boldy. Olar Qazaqstannyń tranzıttik áleýetin tómendetýi múmkin. Sondyqtan «Nurly joldyń» ekinshi kezeńi elimizdiń kólik-tranzıt salasyndaǵy kóshbasshy mártbesin nyǵaıta túsýi tıis. Qazaqstannyń básekege qabilettiligi údemeli ınfraqurylymdyq jobalar, jańa elder men kompanııalar tartý, tranzıttik baǵdarlamalardyń servısi men jyldamdyǵy esebinen arta túsýi qajet», - dedi Qasym-Jomart Toqaev.

QR Prezıdenti 2025 jylǵa deıin respýblıkalyq mańyzy bar barlyq 24 myń shaqyrym jol jańartylýy tıistigin basa aıtty.