2025 jylǵa deıin normatıvtik jaǵdaıdaǵy respýblıkalyq joldar úlesi 100%-ǵa jetkizilmek
ASTANA. QazAqparat – 2025 jylǵa deıin eldegi normatıvtik jaǵdaıdaǵy joldar úlesin 100%-ǵa jetkizý kózdelgen. Bul týraly Premer-Mınıstrdiń birinshi orynbasary Roman Sklıar málim etti, dep habarlaıdy QazAqparat tilshisi.
«Prezıdent tapsyrmasymen «Kúshti óńirler – eldi damytýdyń draıveri» Ulttyq jobasy ázirlenip bekitildi, onda 2025 jylǵa deıin respýblıkalyq jeli boıynsha normatıvtik jaǵdaıdaǵy joldar úlesin 100%-ǵa, jergilikti jelini 95%-ǵa deıin jetkizý kózdelgen. Qazirgi ýaqytta avtojoldardyń jalpy uzyndyǵy 96 myń shaqyrymdy quraıdy, onyń ishinde respýblıkalyq mańyzy bar 25 myń shaqyrym jáne jergilikti mańyzy bar 71 myń shaqyrym jol bar», - dep jazylǵan R. Sklıardyń depýtat saýalyna jaýabynda.
Vıtse-premerdiń aıtýynsha, 3 myń shaqyrymǵa jýyq avtojol qaıta jańartyldy. Oblys ortalyqtary (Qaraǵandy-Almaty, Jezqazǵan-Qaraǵandy, Atyraý-Oral, Aqtóbe-Qyzylorda) arasynda 4 jolaqty avtojoldar qurylysy jalǵasyp jatyr.
Eń qarqyndy ýchaskelerde 49 aınalma jol (Qaraǵandy, Kókshetaý, Shymkent, Aqtóbe, Taraz, Taldyqorǵan, Pavlodar), sondaı-aq 33 kóp deńgeıli jaıaý júrginshiler ótkelderiniń qurylysy aıaqtaldy.
Taǵy 21 aınalma joldyń (Qaraǵandy-Balqash-Almaty, Taldyqorǵan-Óskemen, Qalbataý-Maıqapshaǵaı, Merke-Býrylbaıtal ýchaskeleri) qurylysy júrip jatyr.
Buǵan deıin Roman Sklıar málim etken eldegi jol-kólik apaty týraly statıstıkalyq derekter jarııalanǵan edi.
