2025 jylǵa deıin ıdeologııalyq turǵydan eskirgen 3 myńǵa jýyq onomastıkalyq ataý almastyrylady

ASTANA. QazAqparat – Ideologııalyq turǵydan eskirgen ataýlardy qaıta ataý jónindegi 2022−2025 jyldarǵa arnalǵan jol kartasynyń aıasynda 3 myńǵa jýyq onomastıkalyq ataý almastyrylady, dep habarlaıdy QazAqparat tilshisi.

Bul jaıynda QR Premer-Mınıstriniń orynbasary Altaı Kólginovtiń Senat depýattaynyń saýalyna joldaǵan jaýabynda aıtylǵan.

«Byltyrdan beri ıdeologııalyq turǵydan eskirgen ataýlardy qaıta ataý jónindegi 2022 − 2025 jyldarǵa arnalǵan jol kartasy iske asyrylýda. Jol kartasynyń aıasynda 2021 jyly 68 eldi meken men olardyń 572 quramdas bóliginiń ataýlary ózgertildi. Jalpy jol kartasynyń sheńberinde 3 myńǵa jýyq eskirgen ataýlardy almastyrý josparlanǵan», - dep jazylǵan vıtse-Premerdiń jaýabynda.

Buǵan deıin Astana mańyndaǵy Lesnaıa polıananyń ataýy ózgerýi múmkin ekeni habarlanǵan bolatyn.