2025 jylǵa deıin elimizge 51 jańa ushaq jetkiziledi

ASTANA. QazAqparat – 2025 jylǵa deıin Qazaqstanǵa 51 jańa ushaq jetkiziledi. Bul týraly QR Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

«2025 jylǵa deıin 51 ushaq alýdy josparlap otyrmyz. Bıyl jetkizilýi tıis 14 ushaqtyń beseýin aldyq. Jańa ushaq eki kún buryn jetkizildi. 2030 jylǵa deıin parkti 80 ushaqpen tolyqtyrý jospary bar», - dedi Q. Óskenbaev Ortalyq kommýnıkatsııalar qyzmetindegi baspasóz máslıhatynda.

Buǵan deıin habarlanǵandaı, Indýstrııa mınıstri ushaqtardyń reıske keshigip shyǵýy máselesine pikir bildirdi.

Onyń aıtýynsha, áýe kompanııalary osy saladaǵy kemshilikterdi túzetip jatyr.