2025 jylǵa deıin Býrabaı kóliniń deńgeıi kóteriledi
Mınıstrliktiń atap ótkenindeı, 2013-2014 jyldary «Şýche-Býrabaı kýrorttyq aımaǵyndaǵy kólder kólemin (deńgeıin) jáne sý sapasyn arttyrý máselesin sheshý úshin ǵylymı zertteýler ótkizý» ǵylymı-tehnıkalyq jumystar atqaryldy.
Keıinnen iri masshtabty dalalyq zertteýler ótkizilip, alǵash ret kólderdiń gıdrologııa jáne gıdrohımııa týraly derekter alyndy. Oryndalǵan jumystyń negizinde Şýchınsk-Býrabaı kýrorttyq aımaǵy (ŞBKA) boıynsha zerttelgen kólderdiń árqaısysy úshin sý balanstary esepteldi. Barlyq 10 kóldiń gıdrologııalyq jáne gıdrohımııalyq derekter bazasy jasaldy, sonymen qatar aeroǵaryshtyq jáne kartografııalyq kórsetkishter negizinde geoaqparattyq júıelerdi qoldanýdyń arqasynda Şýche-Býrabaı sý-ekologııalyq ahýaly elektrondy jáne bıometrıkalyq kartalary da qoldanysqa engizildi. Zertteý barysynda ŞBKA mańyndaǵy klımattyq jaǵdaılar, temperatýranyń uzaq merzimdi dınamıkasy jáne ózgerisi, jaýyn-shashyn men basqa da meteorologııalyq parametrler taldandy. Býrabaı sý deńgeıiniń (kólemi) meteorologııalyq parametrlerge baılanysty ózgerýin taldaı otyryp, onyń 2030 jylǵa deıingi ondaǵy ózgeristerge boljaý jasalǵan. «2033 jylǵa deıin aýa raıy temperatýrasy men jaýyn-shashynnyń yqpalyn zertteý barysynda Býrabaıdyń jyldyq balansy 2025 jylǵa deıin joǵarylaıtyny anyqtaldy, keıin onyń deńgeıi tómendeıdi», - delingen habarlamada.
