2025 jylǵa deıin aǵash óńdeý ónerkásibinde 21 joba iske asady
«2025 jylǵa deıin óńdeý ónerkásinde qalyptastyrylǵan ınvestıtsııalyq jobalar pýly aıasynda jalpy somasy 126,3 mlrd teńge bolatyn aǵash óńdeý ónerkásibiniń 21 jobasyn iske qosý josparlanǵan. Shamamen 1 400 turaqty jumys orny qurylady», - dep atap ótedi Úkimet basshysynyń birinshi orynbasary jaýabynda.
Onyń atap ótýinshe, búginde elimizde aǵash óńdeý salasynda 390 kásiporyn jumys istep tur.
Olar syǵymdalǵan taqtaısha, lamınattalǵan panel, faner jáne basqa da ónimder shyǵarady.
«Jalpy, aǵash óndeý ónerkásibi óndirisi kóleminiń artqany baıqalady. Máselen, 2020 jyly ónim óndirisiniń kólemi - 26,3 mlrd teńge, 2021 jyly - 29,7 mlrd teńge, 2022 jyly - 32,8 mlrd teńgeni qurady. 2022 jyly aǵash óńdeý ónerkásibiniń negizgi kapıtalyna salynǵan ınvestıtsııa kólemi 2021 jylmen salystyrǵanda 3,5 ese artty», - dedi ol.
