10:36, 06 Qyrkúıek 2022 | GMT +5
2025 jylǵa deıin 800 myń oqýshyǵa arnap jańa mektepter salynady
NUR-SULTAN. QazAqparat – Prezıdent Joldaýyn iske asyrý aıasynda aýyl sharýashylyǵyndaǵy sýbsıdııalardy uzaq merzimge rásimdeý kózdelip otyr. Bul jaıynda QR Ulttyq ekonomıka mınıstri Álibek Qýantyrov málim etti, dep habarlaıdy QazAqparat tilshisi.
«Apatty jáne úsh aýysymdy mektepterdiń problemalaryn sheshý maqsatynda «Jaıly mektep» jańa ulttyq jobasynyń sheńberinde 2025 jylǵa deıin 800 myń oqýshy ornyna arnalǵan mektepter salynady», - dedi Álibek Qýantyrov.
Onyń aıtýyna qaraǵanda, Joldaýdyń «El bolashaǵyna arnalǵan strategııalyq ınvestıtsııalar» atty úshinshi baǵyty boıynsha 37 is-shara kózdelgen.
«Agroónerkásip keshenin sýbsıdııalaýǵa jańa uzaqmerzimdi tásilder ázirlenedi. Sý salasynda jınaqtalǵan problemalardy sheshý úshin sarapshylardyń qatysýymen Úkimet janyndaǵy Sý keńesiniń jumysy jandanady. Sondaı-aq sý salasyn damytýdyń úsh jyldyq keshendi jospary daıyndalady»,- dedi ol Úkimet otyrysynda.