2025 jylǵa deıin 6,4 myń shaqyrym sý arnasy jańartylady
«Sý tapshylyǵy jáne sý shyǵynyn azaıtý máselelerin sheshý úshin júıeli jumys júrgizilip jatyr. Qazirgi ýaqytta sý sharýashylyǵynyń problemaly máseleleri «Jasyl Qazaqstan», «Qýatty óńirler – el damýynyń draıveri» jáne «2025 jylǵa deıin agroónerkásiptik keshendi damytý jónindegi» ulttyq jobalar aıasynda sheshile bastady», - dedi mınıstr Ortalyq kommýnıkatsııalar qyzmetindegi baspasóz máslıhatynda.
Máselen, mınıstr dereginshe, «Jasyl Qazaqstan» ulttyq jobasy aıasynda 2025 jylǵa qaraı sýarý kezinde sýdyń shyǵynyn 4 tekshe shaqyrymǵa qysqartý, al ónerkásipte tuşy sý alý kólemin 1,3 tekshe shaqyrymǵa azaıtý josparlanǵan.
«Respýblıkada uzyndyǵy 21,5 myń shaqyrymǵa jýyq 3,5 myń magıstraldyq arna bar. Onyń 11,9 myń shaqyrymy qanaǵattanarlyqsyz jaǵdaıda. Olardy qaıta jańartý boıynsha josparly jumystar júrgizilip jatyr. Máselen, 2021 jylǵa deıin 5,6 myń shaqyrym arna qaıta jańartyldy. 2025 jylǵa deıin qalǵan 6,4 myń shaqyrym arnany qaıta jańartý josparlanǵan. Nátıjesinde sýdyń joǵalýy 1,7 tekshe shaqyrymǵa azaıady», - dedi Serikqalı Brekeshev.