2025 jylǵa deıin 500-ge jýyq ındýstrııalyq joba iske qosylady
«Tórtinshi. Ónerkásipte bilikti mamandardyń jetispeýshiligi ındýstrııalandyrýdy tejeýshi faktorlardyń biri bolyp tabylady. 2025 jylǵa qaraı biz 500-ge jýyq ındýstrııalyq jobany iske qosýǵa nıettimiz. Úkimet qazirdiń ózinde osy óndirister úshin bilikti kadrlar daıarlaýdy bastaýy tıis», - dedi Memleket basshysy.
Onyń paıymynsha, búginde memleket jumys berýshilerge naqty qoldaý sharalaryn kórsetip otyr.
«Jas mamandardy jumys ornynda oqytý, jas býynmen kelisimsharttar jasaý jáne «alǵashqy jumys orny» dep atalatyn kómek quraldary iske asyrylýda. Memleket tıisti sýbsıdııalardy qarastyryp otyr. Biraq ol da jetkiliksiz. Úkimet «Atameken» UKP-men birlesip, qyzmetkerlerdi yntalandyrýdyń jáne jumyspen qamtýdyń, olardyń biliktiligin arttyrýdyń qosymsha sharalaryn ázirleýi kerek», - dedi Prezıdent Qasym-Jomart Toqaev.
