10:23, 10 Naýryz 2022 | GMT +6
2025 jylǵa deıin 2 mln jańa jumys orny qurylady - mınıstr
NUR-SULTAN. QazAqparat – 2025 jylǵa deıin 2 mıllıon jańa jumys orny qurylady. Bul týraly Úkimet otyrysynda QR Eńbek jáne halyqty áleýmettik qorǵaý mınıstri Serik Shápkenov aıtty, dep habarlaıdy QazAqparat tilshisi.
Halyq tabysyn arttyrý jónindegi 2025 jylǵa deıingi baǵdarlama aıasynda Eńbek mınıstrligi jańa jumys oryndaryn qurý, halyqty jumyspen qamtýǵa járdemdesý, eńbek resýrstarynyń daǵdylaryn jetildirý jáne jastardy kásiptik baǵdarlaý boıynsha 3 negizgi baǵytta jumystar júrgizetin bolady», - dedi ol.
Mınıstrdiń aıtýynsha, Eńbek mınıstrliginiń qatysýymen barlyǵy 33 is-shara qarastyrylǵan. Onyń 16-sy tikeleı mınıstrlikpen júzege asyrylady.
«Bul is-sharalar kúnkóris deńgeıinen tómen tabys tabatyn halyqtyń úlesin azaıtý, jumyssyzdyq kólemin tómendetý, 2025 jylǵa deıin 2 mıllıondaı jańa jumys oryndaryn qurýdy kózdeıdi», - dedi Serik Shápkenov.
