2025 jylǵa deıin 2,6 mln jańa jumys orny qurylady
«Eńbek naryǵynyń qurylymy 2025 jylǵa qaraı qalaı ózgeredi? 2019-2025 jyldar aralyǵynda 2,6 mln jańa jumys orny ashylady. Onyń jartysy 41,6 trln teńgege qalyptastyrylǵan jańa ınvestıtsııalyq jobalardy iske asyrý esebinen qurylatyn bolady. 2,6 mln jańa jumys ornynyń 600 myń adam jumys kúshiniń taza ósýi, 2 mln adam – ekonomıka salalarynda jumys kúshiniń aǵyny. Jumyspen qamtylǵan halyq sany 2018 jylǵy 8,7 mln adamnan 2025 jylǵa qaraı 9,3 mln adamǵa deıin ósedi», - dedi ol.
Sonymen birge mınıstr eńbek naryǵynyń qurylymynda sapaly ózgerister bolatyndyǵyn aıtty. Máselen, ózin-ózi jumyspen qamtyǵan halyqtyń úlesi 7,5 paıyzǵa azaıady. AÓK, otyn-energetıka kesheni jáne óńdeý ónerkásibinde iri ınvestıtsııalyq jobalardy iske asyrý esebinen ekonomıkanyń naqty sektorynda jumyspen qamtylǵandardyń úlesi 3 paıyzǵa ósedi. Týrızm úlesi jáne qyzmet kórsetý salasy 2 paıyzǵa artady.
«Eńbek naryǵyn syrtqy jáne ishki syn-qaterlerge beıimdeý úshin jaǵdaılar jasaý maqsatynda mynadaı sharalar usynylady. Birinshi - jańa jumys oryndaryn qurastyrý. Investıtsııalardyń jańa tolqynyn tartý, jappaı kásipkerlikti, týrızmdi, óńdeýshi ónerkásipti, aqparattyq-kommýnıkatsııalyq tehnologııalardy jáne ekonomıkanyń basqa da perspektıvti salalaryn damytý úshin jaǵdaılar qalyptastyrýǵa nazar aýdarý qajet.
Onyń aıtýynsha, ekinshiden jańa ınvestıtsııalyq jobalardy iske asyrýdy eskere otyryp, kadrlardy sapaly daıarlaýdy qamtamasyz etý kerek. Suranysqa ıe mamandyqtardy oqytýǵa qol jetkizý de óte mańyzdy. Ol úshin jumys berýshilerdi oqytý úderisine tartý, sondaı-aq WorldSkills talaptaryn eskere otyryp, tehnıkalyq jáne kásibı bilim berý baǵdarlamalarynyń mazmunyn jańartý jáne dýaldi oqytýdy damytý kerek.
»Úshinshi. Jumysqa ornalastyrý protsesiniń tıimdiligin arttyrý maqsatynda jumysqa ornalastyrý boıynsha ındıkatorlardy belgileı otyryp, elektrondyq eńbek bırjasyn, halyqty jumyspen qamtý ortalyqtaryn odan ári damytý jónindegi sharalardy, sondaı-aq jeke jumyspen qamtý agenttikterin tartý jónindegi sharalardy qabyldaý qajet. Jalpy, 2025 jylǵa deıingi kezeńde ekonomıkanyń sapaly ósýin qamtamasyz etý úshin ınvestıtsııanyń jańa tolqyny tartylady. Jańa óndirister uıymdastyrylady jáne 2,6 mln jańa jumys orny qurylady«, - dedi Rýslan Dálenov.
