2025 jyldyń sońyna deıin sút óńdeıtin 20 ınvestıtsııalyq joba iske asyrylady
«2021 jyly irimshik pen súzbe ımportynyń úlesi 32,8 myń tonnany, jergilikti óndiris 36,9 myń tonnany qurady. 2025 jyldyń sońyna deıin sút óńdeıtin 20 ınvestıtsııalyq jobany iske asyrý josparlanǵan. Onyń ishinde jalpy qýaty 161,2 myń tonna sút óńdeıtin irimshik jáne súzbe óndiretin 5 iri kásiporyn bar», - dedi mınıstr.
Onyń aıtýynsha, Damý kartasy aıasynda Soltústik Qazaqstan oblysynda sút sharýashylyǵy belsendi damyp keledi. Jyl saıyn respýblıkaǵa qajetti sút ónimderiniń 10 paıyzdan astamy óndiriledi.
«Oblysta 2018 jyldan bastap 2021 jylǵa deıin 22 sút-taýar fermasy salyndy. Jobalardy iske asyrýǵa 23 mlrd teńge ınvestıtsııa salyndy, 650-den astam jańa jumys orny quryldy. Joǵaryda baıandalǵandy eskere otyryp, óńirlerdiń ákimderine Soltústik Qazaqstan oblysynyń úlgisinde sút salasyn damytý tájirıbesin qarastyrýǵa jáne óz óńirlerinde qoldanýǵa bolady dep sanaımyn», - dedi Erbol Qarashókeev.
