2025 jyldan keıin Qazaqstanda munaı óndirý deńgeıi birtindep tómendeı beredi - «KazEnergy» boljamy
ASTANA. 16 qańtar. QazAqparat - 2025 jyldan keıin Qazaqstanda jańa ken oryndary ashylmasa, munaı óndirý deńgeıi birtindep tómendeı beredi. Mundaı boljamdy «KazEnergy» assotsıatsııasynyń Bas dırektory Áset Maǵaýov aıtty.
«Sońǵy jyldarda munaı óndirý deńgeıi turaqty túrde jylyna 8 mln. tonna tóńireginde saqtalyp keledi. Budan bylaıǵy ósý Qashaǵan, Teńiz, Qarashyǵanaq jáne teńiz jobalary sııaqty iri ken oryndary esebinen kútilip otyr. Sonymen qatar, eger jańa kózder ashylmasa jáne jańa qurylymdar paıdalanýǵa berilmese, qurlyqtaǵy munaı óndirý deńgeıi birtindep tómendeı bermek», - dedi Á. Maǵaýov.
«Osyǵan baılanysty bizde elimizdegi munaı óńdeýshi zaýyttarǵa munaı jetkizý máselesi týyndaıdy. Óıtkeni dástúrli tasymaldaýshylardyń munaı óndirýdegi úlesi birtindep tómendep keledi», - dedi Á. Maǵaýov.
