2025 jyldan arnaýly áleýmettik qyzmetterdiń jan basyna shaqqandaǵy normatıvteri engiziledi
«Áleýmettik kodekste arnaýly áleýmettik qyzmetterdiń jan basyna shaqqandaǵy normatıvterin 2025 jyldan bastap engizý qarastyrylǵan. Mundaı ózgeris áleýmettik salada alǵash ret engiziletindigin eskerip, pılotty túrde bastaýdy jón kórdik. Shilde aıynan bastap 7 óńirde syıymdylyǵy 50 baladan aspaıtyn shaǵyn jınaqty úılerde arnaýly qyzmet kórsetý pılottyq jobasy iske asyrylatyn bolady», – dedi Tamara Dúısenova.
Mınıstr sońǵy ýaqytta sapaly tehnıkalyq ońaltý quraldarymen qamtamasyz etý máselesi jıi kóterilip kele jatqanyn atap ótti.
«Bul máseleni sheshýdiń 2 jolyn qarastyryp otyrmyz. Birinshisi – balalardyń ońaltý quraldaryna qol jetkizýine múmkindik beretin «Tehnıkalyq ońaltý quraldary ınnovatsııalyq fabrıkasy» jobasy bıyl bastalady. Bul joba Qazaqstan halqyna qorymen birlesip qolǵa alynady. Ekinshisi – tehnıkalyq ońaltý quraldarynyń klassıfıkatory tolyǵymen qaıta qaraldy. Quraldar árbir azamattyń jeke qajettilikterine qaraı beriletin bolady. Bul jobalar taraptardyń pikirin eskere otyryp, jyl sońynda tájirıbe júzinde engiziledi», - dedi ol.
