2025 jyly Ulttyq qor aktıvteri 62,2 mlrd dollarǵa jetedi – Nurlan Baıbazarov

ASTANA. KAZINFORM – 2025 jyly Ulttyq qor aktıvteri 62,2 mlrd dollarǵa jetedi. Bul týraly Úkimet otyrysynda Premer-mınıstrdiń orynbasary – Ulttyq ekonomıka mınıstri Nurlan Baıbazarov aıtty. 

«Sizderdiń qaraýlaryńyzǵa «Qazaqstan Respýblıkasynyń Ulttyq qorynan 2025-2027 jyldarǵa arnalǵan kepildendirilgen transfert týraly» Zań jobasy engiziledi. Onda munaıdyń kesimdi baǵasy 2025 jyly barreline 42,3 AQSh dollary, 2026-2027 jyldary barreline 41,0-39,4 AQSh dollary deńgeıinde belgilendi. Osyny eskere otyryp, 2025-2027 jyldary respýblıkalyq bıýdjetke kepildendirilgen transferttiń mólsheri jyl saıyn 2 trln teńge kóleminde aıqyndaldy», - dedi Nurlan Baıbazarov. 

Onyń atap ótýinshe, Ulttyq qordyń taza valıýtalyq aktıvteri 2025 jyly 62,2 mlrd AQSh dollary jáne 2026-2027 jyldary 69,9-78,7 mlrd AQSh dollary kóleminde boljanady.

Eske sala keteıik, buǵan deıin Kólik mınıstrligi jolaýshy tasymalyndaǵy vagon máselesine túsinik bergenin jazǵan edik.