2025 jyly shymkenttikter balalaryna qandaı erekshe esim qoıdy
ShYMKENT. KAZINFORM – Shymkentte ótken jyly jańa týǵan sábılerge qoıylǵan erekshe esimder ataldy.
«Azamattarǵa arnalǵan úkimet» memlekettik korporatsııasy Shymkent qalasy boıynsha fılıalynyń málimetinshe, 2025 jyly qalada 7 335 neke tirkelse, dúnıege kelgen balalar sany 26 713-ke jetti. Al 2024 jyly 7 434 neke tirkelip, 28 645 sábı dúnıe esigin ashqan.
– 2025 jyldyń sońyna qaraı ul balalar arasynda Arýsultan, Aqseleý jáne Haqnazar, al qyz balalar arasynda Saǵym, Súıkimdi jáne Nurana esimderi erekshelendi. Al ul balalarǵa qoıylatyn eń tanymal esimderdiń qatarynda Táýke men Kereı bar, bul tarıhı esimder 20-dan astam ret tirkelgen, – delingen vedomstvonyń usynǵan aqparatynda.
Eske sala ketsek, fılıalda týý týraly kýálik alý jáne nekeni tirkeý boıynsha ótinimdi onlaın túrde berýge bolady. Sondaı-aq, nekeni tirkeýge ótinimdi dástúrli túrde tańdalǵan kúnge deıin keminde 15 kún buryn AHAT bóliminde rásimdeý kerek. Azamattardyń yńǵaılylyǵy úshin nekege saltanatty túrde kóshpeli tirkeý qyzmeti de usynylady.
Budan buryn Qazaqstanda Jańa jyl túninde 254 náreste dúnıege kelgenin jazǵan edik.