2025 jyly sanıtarııalyq avıatsııa myńdaǵan adamdy qutqaryp qaldy

ASTANA. KAZINFORM — 2025 jyly Qazaqstan medıtsınalyq avıatsııa arqyly myńdaǵan patsıentke kómek kórsetti, dep habarlaıdy DSM baspasóz qyzmeti.

2025 jyly Qazaqstannyń medıtsınalyq avıatsııa qyzmeti el ishinde jáne shetelde 2,2 myńnan astam ushýdy oryndap, myńdaǵan patsıentke jedel jáne mamandandyrylǵan kómek kórsetti.

• Ushýlar sany: 1 qańtar men 30 jeltoqsan aralyǵynda Ulttyq shuǵyl medıtsına úılestirý ortalyǵy 2 589 ótinish qabyldaǵan. Onyń 2 272-si naqty medıtsınalyq qyzmetpen, 15-i medıtsınalyq qoldaýsyz oryndaldy. 2024 jylmen salystyrǵanda ushýlar 4,5%-ǵa ósken.

• Ushýlar baǵyty: 68,2%-y óńirishilik deńgeıde ótti. Astanadan 544, Almatydan 174 ushý jasaldy, halyqaralyq baǵyt boıynsha — 9 ushý oryndaldy.

• Halyqaralyq evakýatsııa: 2025 jyly shetelden Qazaqstan azamattaryn tasymaldaýǵa 33 ótinish tústi. Túrkııa, Germanııa, Koreıa, Vetnam, Qyrǵyzstan jáne Mysyrdan 9 evakýatsııa uıymdastyryldy.

2025 jyly mobıldik medıtsınalyq brıgadalar qandaı jumys atqardy:

• 6 255 patsıentke medıtsınalyq kómek kórsetildi.

• 9 124 medıtsınalyq qyzmet oryndaldy.

• 2 267 patsıent tasymaldandy.

• 144 betpe-bet konsýltatsııa jáne 140 jergilikti hırýrgııalyq aralasý júrgizildi.

• Qashyqtyqtan konsýltatsııalar jalpy qyzmettiń 72,1%-yn qurady, bul telemedıtsınanyń keń qoldanylýyn kórsetedi.

Byltyr kóbine qandaı patsıentterge kómek kórsetildi:

• Akýsherııalyq patologııa, balalar aýrýlary, qanaınalym júıesi aýrýlary (sonyń ishinde ınsýlt).

• Jaraqattar, apat saldary jáne jańa týǵan náresteler patologııasy.

Donorlyq aǵzalardy tasymaldaý jáne transplantologııalyq kómek:

• 10 mamandandyrylǵan ushý oryndaldy (ıAk-40, Pilatus PC-12, Bombardier CRJ-200).

• Búırek, baýyr, júrek, móldir qabyq jáne ókpe tasymaldandy.

• Sanıtarııalyq avtokólikter arqyly da 9 568 shyǵý oryndaldy, 10 200 medıtsınalyq qyzmet kórsetildi, 10 222 patsıentke kómek berildi.

• Eń kóp jumys Túrkistan jáne Almaty oblystarynda tirkelgen.

Medıtsınalyq avıatsııa qashyqtyqqa, marshrýttardyń kúrdeliligine jáne jaǵdaıdyń aýyrlyǵyna qaramastan patsıentterge jedel kómek kórsetýdi jalǵastyryp, Qazaqstandaǵy shuǵyl medıtsınanyń mańyzdy quraly bolyp otyr.

Buǵan deıin Qazaqstanda Jańa jyl túninde 254 náreste dúnıege kelgenin jazǵanbyz.