2025 jyly Reseıdegi jańa avtokólik naryǵy 15%-ǵa tómendedi

MÁSKEÝ.«KAZINFORM» - 2025 jyldyń qorytyndysy boıynsha Reseıde jańa jeńil avtokólikterdiń satylymy 15,6%-ǵa qysqaryp, 1,326 mln danaǵa jetti.

Bul týraly «Avtostat» derekteri habarlaıdy. Atalǵan kórsetkish agenttiktiń 7%-dyq boljamynan (1,43 mln) tómen. Bul jóninde «Kommersant»-qa silteme jasaǵan agenttik tilshisi habarlaıdy.

Materıalda quldyraýdyń negizgi sebepteri retinde joǵary bazalyq mólsherleme men ýtılalymnyń ósýi atalady. 

Dılerlerdiń pikirinshe, másele avtonesıeler boıynsha paıyzdardyń tym joǵary bolýynda ǵana emes. Bazalyq mólsherlemeniń joǵary deńgeıi áleýetti satyp alýshylardy bankterdiń depozıtter boıynsha tıimdi usynystaryn paıdalanýǵa ıtermelegen.

Sonymen qatar, nesıe men lızıng boıynsha mólsherlemelerdiń joǵary bolýyna baılanysty satylymdy qarjylandyrý qymbattady. Buǵan qosa, naryqtan ketken brendterdiń qaıta oralýy múmkin degen «sybystar» da suranysty tejegen. Teris dınamıkaǵa 2025 jyldyń tórtinshi toqsanynda keıbir modelderdiń tapshylyǵy da áser etti.

Aıta ketý kerek, satylym 24,4%-ǵa tómendegenine qaramastan, naryq kóshbasshysy bolyp Lada (329,89 myń dana) qaldy. Odan keıin Haval (173,3 myń dana) jáne Chery (99,81 myń dana) ornalasqan. Eń joǵary ósimdi Belgee (+96,5%) jáne reseılik Solaris markasy (2,3 ese) kórsetti. Sondaı-aq sarapshylar resmı jetkizilimder bolmaǵanyna qaramastan, Toyota satylymynyń 40,3%-ǵa artqanyn atap ótedi.

Buǵan deıin 2026 jyly Qazaqstandaǵy avtokólik baǵalaryna ne bolatyny týraly jazylǵan edi: