2025 jyly Pavlodar oblysynda «Aqyldy qala» jobasy iske qosylady

ASTANA. KAZINFORM — «Aqyldy qala» aýqymdy jobasyn oblysqa qarasty úsh qalada iske qosý josparlanyp otyr. Bul týraly Pavlodar oblysynyń ákimi Asaıyn Baıhanov málim etti.

«Bizdiń jumystyń mańyzdy baǵyttarynyń biri — qoǵamdyq qaýipsizdikti qamtamasyz etý. Jaǵdaıdy jaqsartý úshin 156 áleýmettik nysanda 5 567 beınebaqylaý kamerasy ornatyldy. 2025 jyly biz AI-jasandy ıntellekt analıtıkalyq platformasyn qoldana otyryp, oblystyń úsh qalasynda «Aqyldy qala» aýqymdy jobasyn iske asyrýdy josparlap otyrmyz. Sondaı-aq, óńirdiń úsh qalasynda qoǵamdyq oryndarda, 150 qıylysta, 250 jelilik jáne 20 respýblıkalyq jol ýchaskelerinde 4 myń beınebaqylaý kamerasy ornatylady», — dedi oblysy ákimi Asaıyn Baıhanov Ortalyq kommýnıkatsııalar qyzmeti alańynda ótken baspasóz máslıhatynda.

Sonymen qatar, oblys basshysy óńirdegi halyq únine qulaq asý qaǵıdatynyń júzege asyrý barysyna toqtaldy. 

«Tıimdi kommýnıkatsııalar qurý jáne keri baılanystyń basty alańy — áleýmettik jeli jumysymyzdyń negizine aınaldy dep sanaımyn. Jyl basynan beri biz 60 myńnan astam azamattyń ótinishi qabyldandy, onyń 70% paıyzdan astamy oń sheshimin taýyp, qajetti shara qabyldandy», — dep tolyqtyrdy A. Baıhanov.

Aıta keteıik, budan buryn Pavlodar oblysynda 31 shaqyrym jylý jelisi qaıta jóndeletini aıtyldy.