2025 jyly óńirlerge respýblıkalyq bıýdjetten 7,4 trln teńge bólinedi
ASTANA. KAZINFORM – 2025 jyly óńirlerge respýblıkalyq bıýdjetten 7,4 trln teńge bólinedi. Bul týraly Úkimet otyrysynda Premer-mınıstrdiń orynbasary – Qarjy mınıstri Mádı Tákıev aıtty.
«Bıýdjettiń kelesi basym baǵyty – óńirlerdi qoldaý. 2025 jyly óńirlerge respýblıkalyq bıýdjet qarajaty 348 mlrd teńgege ulǵaıa otyryp 7,4 trln teńge bólinetin bolady. Bıýdjettiń jalpy shyǵystaryndaǵy úlesi shamamen 30 paıyzdy quraıdy», - dedi mınıstr.
Onyń dereginshe, bólingen qarajattyń nátıjesinde 2025 jyly halyqty sýmen jabdyqtaý qalalarda 99,6 paıyzǵa deıin, aýyldyq eldi mekenderde 98 paıyzǵa deıin qamtamasyz etiledi. Jylýmen jabdyqtaý jelileriniń tozý deńgeıi 51 paıyzǵa deıin tómendetiledi. 51 515 adam men 3 aýyldyq eldi mekenniń tabıǵı gazǵa qoljetimdiligin qamtamasyz etiledi. Halyqty gazdandyrý deńgeıi 2025 jyly 62 paıyzdy quraıtyn bolady.
«Aýyl – el besigi» jobasy aıasynda kólik ınfraqurylymynyń 18 obektisin, 33 turǵyn úı-kommýnaldyq sharýashylyǵy men 91 áleýmettik obektilerdi jańǵyrtý josparlanyp otyr», - dedi Mádı Tákıev.
