2025 jyly Mońǵolııaǵa 850 myńnan astam týrıst barǵan
ASTANA. KAZINFORM — Kásibı týrızm qaýymdastyǵynyń málimetine sáıkes, 2025 jyldyń basynan beri Mońǵolııaǵa 851 931 sheteldik týrıst saparlaǵan. Bul týraly Montsame habarlady.
Bul kórsetkish ótken jyldyń sáıkes kezeńimen salystyrǵanda 5 paıyzǵa joǵary.
Jeltoqsan aıynda Mońǵolııaǵa 43 946 týrıst barǵan. Olardyń ishinde 15 604 adam – Qytaı Halyq Respýblıkasynan, 13 260 – Reseı Federatsııasynan, al 2 905 týrıst – Koreıa Respýblıkasynan kelgen.
Agenttik aqparatyna sáıkes, týrıster sanynyń artýy týrıstik naryqtyń qalpyna kelýimen, halyqaralyq jarnamanyń tıimdiligimen jáne halyqaralyq áýe reısteriniń kóbeıýimen baılanysty.
Maýsymdyq kórsetkishterge toqtalsaq, týrısterdiń eń kóp barǵan ýaqyty shilde men tamyz aılary bolǵan kórinedi.
Budan buryn Mońǵolııada dástúrli kıim men áshekeılerge arnalǵan arnaıy kórme ashylǵanyn jazǵan edik.