2025 jyly Qytaıda órt sany men zardap shekkender azaıdy

ASTANA. KAZINFORM — 2025 jyly Qytaıda jalpy eseppen 841 myń órt oqıǵasy tirkeldi, bul 2024 jylmen salystyrǵanda 7,6%-ǵa tómen, dep jazady Sınhýa.

Bul týraly Memlekettik órt-qutqarý basqarmasy habarlady.

Órtten qaza tapqandar men zardap shekkender sany sáıkesinshe 9,5% jáne 19,6%-ǵa azaıǵan, al tikeleı materıaldyq shyǵyn 2024 jylmen salystyrǵanda 1,8%-ǵa ósip, 8,53 mlrd ıýanǵa (shamamen 1,24 mlrd AQSh dollary) jetkeni aıtyldy. Bul aqparatty basqarmanyń resmı ókili Van Veı baspasóz konferentsııasynda jetkizdi.

Atalǵan kezeńde órt sóndirýshiler 25,93 mln ret jáne órt sóndirý mashınalary 4,699 mln ret shaqyrtylǵan.

— Onyń jartysynan kóbi órt sóndirý men qutqarý operatsııalarymen baılanysty bolǵan, — dedi Van Veı.

Sońǵy úsh jyldaǵy statıstıka boıynsha, jyl saıynǵy órtterdiń shamamen 30%-y turǵyn úılerde, al ǵımarattar men qurylystardaǵy órtterdiń 80%-ǵa jýyǵy sol jerlerde bolyp otyr. Órtterdiń kópshiligi elektr jabdyqtarynyń isten shyǵýy men otty abaısyz qoldanýdan týyndaǵan.

Basqarma turǵyn úılerde, ásirese jalǵyz turatyn qarttar men úıde ata-anasynyń qadaǵalaýynsyz jıi qalatyn balalar úshin órtti erte anyqtaıtyn qurylǵylar men sıgnalızatsııany keńinen qoldanýǵa shaqyrady.

Buǵan deıin Qytaı halqynyń 95%-y bazalyq medıtsınalyq saqtandyrýmen qamtylǵanyn jazdyq.