2025 jyly Qyrǵyzstanǵa 5,3 mln sheteldik týrıst bardy
BІShKEK. KAZINFORM — Qyrǵyzstandaǵy demalýshylar sany 2025 jyly 1,5 ese ósti, dep habarlaıdy Kazinform agenttiginiń Bishkektegi menshikti tilshisi.
Ulttyq statıstıka komıtetiniń málimetinshe, 2025 jyly 5,3 mln týrıst demalǵan. Bul 2024 jylmen salystyrǵanda 1,5 ese kóp. Onyń ishinde uıymdastyrylǵan týrızm sektorynda 3,6 mln-nan astam adam demalǵan. Bul kórsetkish bir jylda 1,5 esege ósken. Al uıymdastyrylmaǵan týrızm sektorynda 1,7 mln adam demalǵan, bul 2024 jylmen salystyrǵanda 1,4 ese kóp.
Demalys úshin negizgi baǵyt Ystyqkól oblysy boldy. Onda 2025 jyly týrısterdi qonaqjaılardy qosa alǵanda 2,5 myń demalys mekemesi men týrızm uıymy qabyldap, qyzmet kórsetti.
Ystyqkól oblysy kýrorttyq aımaǵynyń uıymdastyrylǵan sektorynda 894 myńnan astam adam demaldy. Bul kórsetkish 2024 jylmen salystyrǵanda 1,3 ese ósti. Óz kezeginde, qonaqjaılar men jeke úılerde 1,7 mln adam demalǵan (ósim — 1,4 ese).
Osyǵan deıin Qyrǵyzstan týroperatorlardy týrısterdi saqtandyrýǵa mindetteý týraly usynys jasaǵany habarlandy.
Sondaı-aq Qazaqstan AQSh týrısteri úshin qaýip deńgeıi tómen elder qatarynda ekenin jazdyq.
