2025 jyly kezekte turǵan 14,5 myń adam baspanaly boldy
ASTANA. KAZINFORM – Bıyl 18,2 myń jeńildetilgen ıpotekalyq nesıe beriledi. Bul týraly Úkimet otyrysynda Ónerkásip jáne qurylys mınıstri Ersaıyn Naǵaspaev aıtty.
– Salany jandandyrý úshin qurylysty qarjylandyrý, daıyn páterlerdi satyp alý, ınjenerlik ınfraqurylymdy damytý jáne qoljetimdi ıpotekalyq quraldardy keńeıtý sııaqty memlekettik qoldaý sharalary iske asyrylýda. Osy sharalar aıasynda ótken jyly 218 mlrd teńgege 14,5 myń jaldamaly páter satyp alynyp, kezekte turǵan azamattarǵa berildi. Sonymen qatar, 14 myńnan astam «kredıttik turǵyn úılerdi» salý men satyp alýǵa 140 mlrd teńge bólindi, - dedi Ersaıyn Naǵyspaev.
Onyń dereginshe, 10,5 myń jer ýchaskesine ınjenerlik jeli tartyldy. 68 mlrd teńgege 2 jáne 5 paıyzdyq bes myńnan astam jeńildetilgen ıpotekalyq nesıe berildi.
– Sondaı-aq «Naýryz» jáne «Naýryz-Jumysker» baǵdarlamalary aıasynda 233 mlrd teńgege 8,6 myń nesıe berldi. Osy jyly da jergilikti atqarýshy organdardyń baǵaly qaǵazdaryn satyp alý arqyly shamamen 11,5 myń kredıttik turǵyn úı salý men satyp alýǵa 155 mlrd teńge qarajat jumsaý jáne 18,2 myń jeńildetilgen ıpotekalyq nesıe berý josparlanýda, - dedi mınıstr.
Eske sala keteıik, buǵan deıin Qazaqstanda jas ǵalymdar baspanamen qalaı qamtamasyz etilip jatqanyn jazǵan edik.