2025 jyly Qazaqstanǵa 23,7 myń adam qonys aýdardy
ASTANA. KAZINFORM — Ulttyq statıstıka bıýrosy Qazaqstan Respýblıkasy halqynyń kóshi-qonyna qatysty jańartylǵan málimetti taratty.
Aldyn ala derekter boıynsha 2025 jylǵy qańtar-jeltoqsan aralyǵynda elge (yqtııarhat alǵandar) 23 761 adam kelip, al 7 608 adam elden ketken. Bul rette kóshi-qon saldosy — 16 153 adam.
2024 jyldyń tıisti kezeńimen salystyrǵanda Qazaqstannan kóship ketkender sany 40,5%, kóship kelýshiler sany 20,7% azaıǵan.
— Eldiń negizgi kóshi-qon almasýy TMD memleketterimen júrdi. Dostastyq elderinen kelgenderdiń úlesi 81,8%, al osy elderge ketkenderdiń úlesi 71,8% qurady. Memleket ishinde kóship-qonýshylar sany 2024 jyldyń tıisti kezeńimen salystyrǵanda 13,6% ósken, — delingen habarlamada.
Óńiraralyq kóshi-qonnyń oń saldosy elimizdiń 4 óńirinde qalyptasty:
- Astana (87 459 adam),
- Almaty (12 110 adam),
- Shymkent (15 130 adam) qalalarynda,
- Almaty oblysynda (33 126 adam).
Budan buryn Qostanaıda aýyl-aýdan turǵyndary azaıyp bara jatqanyn jazǵan edik.