2025 jyly Qazaqstanda jańa aqyly joldar qosylady
ASTANA. KAZINFORM – Aqyly joldarda kiris kólemi jylyna 100 mlrd teńgeden asady. Bul týraly Senatta joldardyń máselesin talqylaýǵa arnalǵan Úkimet saǵatynda Kólik mınıstri Marat Qarabaev málim etti.
- Jóndeý jáne qaıta jańǵyrtý jumystary aıaqtalǵannan keıin, joldardy normatıvtik kútip ustaýdy turaqty qarjy kózimen qamtamasyz etý úshin aqyly júıe kezeń-kezeńmen engizilip jatyr. Qazirgi ýaqytta uzyndyǵy 3,2 myń shaqyrymdy quraıtyn 17 aqyly jol ýchaskesi bar. 2024 jyldyń qorytyndysy boıynsha aqyly joldardan 48 mlrd teńge mólsherinde tólem jınaldy. 2025 jyly jóndeý jumystary aıaqtalǵannan keıin, jalpy uzyndyǵy 6,2 myń shaqyrym bolatyn 29 ýchaskede aqyly júıe engiziledi, - dedi M. Qarabaev.
Osy oraıda mınıstr josparlanǵan kiris kólemi jylyna 100 mlrd teńgeden asatynyn aıtty.
- Bolashaqta barlyq joldardy kútip ustaý, arnaıy tehnıka satyp alý jáne qaryz boıynsha paıyzdyq mólsherlemelerdi jabý aqyly júıe esebinen qarjylandyrylady, - dedi vedomstvo basshysy.
Buǵan deıin Qazaqstannyń aqyly joldarynda kimder tegin júre alatynyn jazǵan edik.