2025 jyly Qazaqstanda qansha kólik shyqty
ASTANA. KAZINFORM - 2025 jyl otandyq avtomobıl jasaý salasy úshin shynymen de tarıhı jyl boldy. QR Ulttyq statıstıka bıýrosynyń derekteri boıynsha, elde 311,1 mlrd teńgege 22 580 dana tehnıka shyǵaryldy, bul ótken jyldaǵy eń jaqsy aılyq kórsetkish,-dep habarlaıdy QR Ónerkásip qurylys mınısstrliginiń baspasóz qyzmeti.
- 2024 jyldyń qarasha aıymen salystyrǵanda shyǵarylym kólemi 25,5%-ǵa ósti, bul salanyń senimdi ilgerileýin aıqyn kórsetedi, - delingen habalamada.
Jeńil avtomobılder segmenti ósimniń negizgi qozǵaýshy kúshi boldy. Bir aıda qazaqstandyq kásiporyndar 20 730 jeńil avtokólik, sondaı-aq 807 júk kóligi, 646 avtobýs, 310 tirkeme jáne jartylaı tirkeme, sondaı-aq 87 arnaıy maqsattaǵy kólik shyǵardy. Osy kórsetkishter óndiristik qýatty belsendi túrde keńeıtýdiń jáne Chery, Changan jáne Haval halyqaralyq brendteriniń jappaı óndirisin iske qosýdyń nátıjesi boldy, olar Qazaqstanda jergilikti deńgeıde óndiriledi.
2025 jyldyń alǵashqy 11 aıynda elimizde 2,03 trıllıon teńgege 146 163 dana jabdyq óndirildi, ótken jyldyń sáıkes kezeńimen salystyrǵanda 15,7%-ǵa artyq.
- Búginde avtomobıl jasaý salasy búkil mashına jasaý sektorynyń 41,7%-yn quraıdy, bul ekonomıkanyń eń qarqyndy damyp kele jatqan salalarynyń biri retindegi mártebesin senimdi túrde nyǵaıtady,-delingen habarlamada.
Osyǵan deıin Qytaıdyń avtokólikteriniń janarmaı shyǵynyn shektegeni týraly jazdyq.