2025 jyly Qazaqstanda 32 myńnan astam kardıohırýrgııalyq ota jasaldy
ASTANA. KAZINFORM- 2025 jyly Qazaqstanda 32 myńnan astam kardıohırýrgııalyq ota jasalyp, 6 myńǵa jýyq patsıentke joǵary tehnologııalyq medıtsınalyq kómek kórsetildi. Kúrdeli operatsııalardy júrgizýge 91,3 mlrd teńge baǵyttaldy, dep habarlaıdy QR Densaýlyq saqtaý mınıstrliginiń baspasóz qyzmeti.
Búginde elimizde júrek pen qan tamyrlary aýrýlaryn emdeýge arnalǵan kúrdeli hırýrgııalyq aralasýlardyń keń aýqymy oryndalady. Zamanaýı tehnologııalar men kardıohırýrgııalyq ortalyqtardyń joǵary deńgeıde jabdyqtalýy patsıentterge josparly túrde de jáne shuǵyl aralasýdy qajet etetin jedel jaǵdaılarda da mamandandyrylǵan medıtsınalyq kómek kórsetýge múmkindik beredi.
-Qazaqstandyqtarǵa joǵary tehnologııalyq kardıohırýrgııalyq kómek medıtsınalyq kórsetilimder boıynsha tegin medıtsınalyq kómektiń kepildik berilgen kólemi jáne mindetti áleýmettik medıtsınalyq saqtandyrý júıesi aıasynda kórsetiledi,-delingen habarlamada.
Osyǵan deıin balalardy shetelge kardıohırýrgııalyq emge joldaý 5,2 ese qysqarǵany týraly jazdyq.
