2025 jyly Qazaqstan Qytaıǵa 5 mlrd tekshe metr gaz eksporttaǵan

ASTANA. KAZINFORM — QazaqGaz ulttyq kompanııasynyń basshysy Álibek Jamaýov Energetıka mınıstrliginiń alqa májilisinde el bıýdjetine qansha salyq tólep otyrǵandaryn aıtty.

— 2025 jyly gazdy magıstraldyq tasymaldaýdyń jalpy kólemi 88,5 mlrd tekshe metr boldy. Іshki naryqqa 20,5 mlrd tekshe metr gaz ótkizdik, — dedi ol.

Ulttyq kompanııa basshysy qazaqstandyqtardyń gaz tutyný shyǵyndaryn azaıtý úshin 190 mlrd teńgeden astam qarjy jumsaǵandaryn aıtty.

— Qytaıǵa 5 mlrd tekshe metr gaz eksporttaldy. Іshki naryqty sýbsıdııalaý jylyna 190,5 mlrd boldy. El bıýdjetine shamamen 302,1 mlrd teńge salyq tólendi, — dedi Álibek Jamaýov.

Buǵan deıin Premer-mınıstr Oljas Bektenov jer qoınaýyn paıdalanýshylarǵa aıyppuldy dollarmen esepteý múmkin emes ekenin aıtqan bolatyn.

Budan bólek, bıyl jer qoınaýyn ıgerý kelisimsharttaryna revızııa jasalatyny anyqtaldy.