2025 jyly Qazaqstan áýejaılary 31,8 mln jolaýshyǵa qyzmet kórsetti
ASTANA. KAZINFORM – 1 aqpanda Qazaqstanda Azamattyq avıatsııa qyzmetkerleri kúni jáne Qazaqstannyń avıatsııalyq qaýipsizdik qyzmeti kúni atap ótiledi. Kásibı merekege oraı QR Kólik mınıstrligi ǵımaratynda saltanatty jıyn ótti.
Іs-shara barysynda azamattyq avıatsııanyń damýyna eleýli úles qosqan sala qyzmetkerleri men ardagerlerine Kólik mınıstri Nurlan Saýranbaev «Eńbek ardageri», «Qurmetti avıator» tósbelgilerin, sondaı-aq alǵys hattar tabystady.
Mınıstr quttyqtaý sózinde salanyń negizgi jetistikterine toqtaldy.
«2025 jylǵy 3 jeltoqsanda Memleket basshysy azamattyq avıatsııa máselelerine tolyqtaı arnalǵan, sońǵy otyz jyl ishindegi joǵary deńgeıdegi alǵashqy keńes ótkizdi. Bul memleket tarapynan salaǵa aıryqsha nazar aýdarylyp otyrǵanyn jáne onyń strategııalyq mańyzǵa ıe ekenin kórsetedi. Byltyr elimizdegi áýejaılar 31,8 mln jolaýshyǵa qyzmet kórsetti, 173,28 myń tonna júk óńdeldi, áýe kompanııalary 15,4 mln jolaýshy tasymaldady. Halyqaralyq áýe qatynasy boıynsha 30 elmen 135 baǵytta aptasyna 626 reıs oryndalady. Osy kórsetkishterdiń artynda kún saıyn búkil júıeniń turaqty ári qaýipsiz jumysyn qamtamasyz etip otyrǵan 25 myńnan astam kásibı mamannyń eńbegi tur. Bul – sizderdiń jumystaryńyzdyń nátıjesi», – dep atap ótti Nurlan Saýranbaev.
Sonymen qatar mınıstr Halyqaralyq azamattyq avıatsııa uıymy júrgizgen qaýipsizdik aýdıtiniń qorytyndylaryna toqtalyp, Qazaqstannyń IKAO halyqaralyq standarttaryna sáıkestik deńgeıi 95,7 paıyzdy quraǵanyn aıtty. Bul kórsetkish TMD elderi arasynda ǵana emes, IKAO-nyń Eýropa jáne Soltústik Atlantıka (EUR/NAT) óńirinde de eń joǵary nátıjelerdiń biri bolyp sanalady.
Mınıstrdiń aıtýynsha, jolaýshylar tasymaly men júk aınalymy boıynsha Qazaqstan Ortalyq Azııada kósh bastap otyr, al ushý qaýipsizdigi kórsetkishteri boıynsha TMD elderi arasynda 82 paıyzdyq deńgeımen aldyńǵy orynda. 2025 jyldyń shildesinde IKAO Keńesiniń prezıdenti Salvatore Shakkıtano Qazaqstanǵa alǵashqy resmı saparymen keldi.
2026 jyly Qazaqstanda kólik apattary men oqıǵalaryn tergeý ortalyǵyn qurý josparlanyp otyr. Bul ushý jazǵyshtaryn táýelsiz taldaýǵa, túrli tekserýler júrgizýge jáne mıkroelektronıka zertteýlerine, sonyń ishinde olardy qalpyna keltirýge múmkindik beredi.
Bıyl qazaqstandyq áýe kompanııalary 9 jańa áýe kemesin satyp alýdy josparlap otyr. Nátıjesinde eldiń áýe floty 118 ushaqqa deıin ulǵaıady. Marshrýttyq jelini keńeıtý aıasynda Vena, Abý-Dabı, Er-Rııad, Sıan, Shanhaı, Delı, Rım jáne ózge de baǵyttar boıynsha áýe qatynasyn ashý jáne damytý kózdelgen.
Halyqaralyq áýe habtaryn damytý maqsatynda avıaotyn qunyn tómendetý boıynsha jumys jalǵasýda. Qazirgi tańda avıaotyn baǵasy bir tonnasyna 1000 AQSh dollarynan tómen deńgeıde qalyptasqan.
Sondaı-aq bıyl birqatar ınfraqurylymdyq jobalardy iske asyrý josparlanǵan. Almaty áýejaıynyń ishki reıster termınalyn qaıta jańǵyrtý, Atyraý áýejaıynyń jańa termınalynyń qurylysyn bastaý, Aqtaý áýejaıynyń perronyn kúrdeli jóndeý jáne Pavlodar áýejaıynyń aerodromyn rekonstrýktsııalaý kózdelgen. Astana jáne Shymkent qalalary áýejaılarynda ekinshi ushý-qoný jolaqtarynyń qurylysy bastalmaq. Sonymen qatar Astana, Almaty, Shymkent, Qaraǵandy, Aqtaý jáne Aqtóbe áýejaılaryndaǵy erkin ekonomıkalyq aımaqtardy damytý jumystary jalǵasady.
Budan bólek, Katon-Qaraǵaı, Zaısan jáne Kendirli kýrorttyq aımaqtaryndaǵy áýejaılardyń qurylysyn aıaqtaý, sondaı-aq Arqalyq qalasynyń áýejaıyn qalpyna keltirý josparlanyp otyr.
Aıta keteıik, Almatyda Ushqyshsyz avıatsııany damytý ınnovatsııalyq ortalyǵy ashyldy.