2025 jyly dúnıege kelgen balalar «beta urpaǵy» bolady

ASTANA. KAZINFORM – Bul urpaqtyń qaı dáýirde ómir súretinin New York Post túsindirdi, dep habarlaıdy Kazinform TASS aqparat agenttigine silteme jasap. 

Áleýmettanýshy jáne fýtýrolog Mark Makkrındldiń pikirinshe, 2025-2039 jyldary týylǵan balalar «beta urpaqtyń» ókilderi bolady.

Bul urpaq «Alfa býyny», ıaǵnı 2010-2024 jyldary týylǵandardan keıin ómir súredi. Atap ótilgendeı, «beta býynynyń» ókilderi «klımattyń ózgerýi, jahandyq demografııalyq ózgerister jáne jyldam ýrbanızatsııa» sııaqty kúrdeli synaqtarmen kúresetin álemdi mura etedi.

— Beta urpaǵy jasandy ıntellekt pen avtomattandyrý bilim men jumystan bastap densaýlyq saqtaý men oıyn-saýyqqa deıin kúndelikti ómirge tolyǵymen biriktirilgen dáýirde ómir súredi, — dedi Makkrındl.

Onyń boljamyna sáıkes, 2035 jylǵa qaraı «beta urpaq» búkil álem halqynyń 16%-yna deıingi bóligin quraıdy.

Kazinform úshin arnaıy TASS seriktes agenttigi usynǵan.