2025 jyly Dubai Duty Free dúkenderinde 719 tonna dýbaı shokolady satylypty

ASTANA. KAZINFORM — 2025 jyly Dubai Duty Free saýda jelisinde rekordtyq satylym tirkeldi. Eń kóp suranysqa ıe bes ónimniń qataryna parfıýmerııa, alkogol ónimderi, altyn, temeki buıymdary jáne shokolad ónimderi kirdi. Bul týraly Gulf News basylymy habarlady.

Ótken jyly Dubai Duty Free-diń satylym kólemi 9,85%-ǵa ósip, rekordtyq 2,4 mlrd AQSh dollaryna jetti. Barlyq negizgi taýar sanattarynda turaqty ósim baıqaldy.

Parfıýmerııa jalpy satylym kóleminiń 18,45%-yn qurap, 438,6 mln dollar tabys ákelipti.

Alkogol ónimderi (12,22%) — 290,6 mln dollar, altyn (10,3%) — 245,6 mln dollar, temeki buıymdary — 242,08 mln dollarǵa satylǵan.

Kondıterlik ónimderdiń joǵary satylymyna «dýbaı shokolady» da úles qosqan. Byltyr Duty Free dúkenderinde bul táttiden barlyǵy 719 tonna satylǵan. Onyń ishinde Patchi Pistachio Kunafa Bar batondary men Habibe Chocolate ónimderi bar. Atalǵan shokoladtardyń jalpy satylym somasy 231,64 mln AQSh dollaryn qurady.

Eske sala keteıik, 2025 jyly Dýbaıda ushqyshsyz taksı qatynaı bastaǵanyn jazdyq..

Aldaǵy jaqyn aradaǵy josparda eki iri developerlik joba bar: biri – Mercedes-Benz kompanııasymen birlesip salynatyn elıtalyq turǵyn úı kesheni jáne ishinen avtojol ótetin alyp saýda ortalyǵy.