2025 jyly deklaratsııa tapsyratyn tulǵalar 13 mıllıonnan asady - Nurjan Qýandyqov

Jyl saıyn jeke tabysy týraly deklaratsııa tapsyratyn azamattardyń sany artady. Bul týraly Qarjy mınıstrligi memlekettik kirister komıtetiniń óndiristik emes tólemderdi, jeke tulǵalardy jáne arnaýly salyq rejımderin ákimshilendirý departamentiniń dırektory Nurjan Qýandyqov málim etti, dep habarlaıdy Kazinform. 

«2024 jyly 1 qańtardan bastap deklaratsııany zańdy tulǵalardyń quryltaıshylary, jeke kásipkerlerdiń basshylary, olardyń jubaılary (zaıyby) tapsyrady. Shamamen 3,9 mıllıon adam josparlanǵan. 2025 jylǵy 1 qańtardan bastap azamattardyń basqa sanattary (mysaly, jeke qurylymdardyń qyzmetkerleri, zeınetkerler, úı sharýasyndaǵy áıelder, stýdentter jáne taǵy basqa) tapsyrady. Bul - 6,9 mıllıon adam. 2025 jyly deklaratsııa tapsyratyn tulǵalar 13 mıllıonnan asady dep josparlanyp otyr», - dedi Nurjan Qýandyqov Ortalyq kommýnıkatsııalar qyzmeti alańynda ótken baspasóz máslıhatynda. 

Onyń aıtýynsha, kelesi jyly bıznesmender jeke múlikterin jarııalaýy kerek. Bul degenimiz jeke kásipkerler, birinshi basshylar, quryltaıshylar, zańdy tulǵalardyń qatysýshylary. Jumys istemeı turǵan jáne jumysyn toqtatqan kásipkerler de deklaratsııa tapsyrýǵa mindetti.