2025 jyly búkil turǵyn aýyz sýmen qamtylady – Tamara Dúısenova
Endi eki jyldan keıin búkil qazaqstandyq aýyz sýmen tolyq qamtylady dep josparlanyp otyr. Bulý týraly QR Premer-Mınıstriniń orynbasary Tamara Dúısenova málim etti, dep habarlaıdy Kazinform.
«Halyqty taza aýyz sýmen qamtý, ınfraqurylym salý jáne jańǵyrtý arqyly eldi mekenderdi sapaly sýmen qamtamasyz etý úshin tıisti jumystar kezeń-kezeńimen júrip jatyr. Aldaǵy eki jylda 158 aýyldy sýmen jabdyqtaıtyn 34 jobany iske asyrý úshin 23,3 mlrd teńge bólindi. Jalpy, 2025 jylǵa qaraı elimizdiń barlyq turǵyndaryn aýyz sýmen qamtamasyz etý josparlanyp otyr. Sonymen qatar sýarý salasynda sýdy únemdeýge baǵyttalǵan keshendi sharalar qolǵa alynbaq. Atap aıtqanda, 3,5 myń shaqyrymdyq sýarý jelisin jańǵyrtý, 212 kanalda sýdy esepke alý máselesin tsıfrlandyrý jáne 15 gıdrotehnıkalyq qurylysty jańǵyrtý kózdelip otyr», - dedi Tamara Dúısenova Májilis otyrysynda.
Úkimet basshysy orynbasarynyń málimdeýinshe, 2025 jylǵa deıin Jambyl, Qyzylorda, Almaty, Aqmola jáne BQO-ny qosymsha sýmen qamtý úshin jalpy aýmaǵy 1,7 tekshe metr bolatyn 9 jańa sý qoımasyn salý josparlanǵan.
«Ekinshi kezeńde Aqtóbe, Qyzylorda, ShQO jáne Qaraǵandy oblystarynda 11 sý qoımasyn salý kózdelgen», - deıdi ol.
