2025 jyly «Bolashaq» baǵdarlamasymen oqýyn aıaqtaǵandar elge oraldy ma
ASTANA. KAZINFORM — Bıyl «Bolashaq» baǵdarlamasy aıasynda bilim alǵandardyń nesheýi shetelde qaldy? Bul suraqqa Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıteti jaýap berdi.
- Qazirgi ýaqytta «Bolashaq» halyqaralyq stıpendııasy aıasynda 1,2 myńnan astam stıpendıat bilim alyp jatyr. Onyń ishinde 75,5 paıyzy – magıstratýrada, 12,4 paıyzy – taǵylymdamada, 12,1 paıyzy – doktorantýrada, - delingen vedomstvonyń Kazinform agenttigine bergen jaýabynda.
«Bolashaq» baǵdarlamasy aıasynda 2025 jyly 202 adam oqýyn aıaqtady. Onyń ishinde 48,5 paıyzy taǵylymdama baǵdarlamasy, 46,5 paıyzy – magıstratýra, 5 paıyzy doktorantýrany aıaqtady.
- Búginde 202 túlektiń 178-i eńbekpen óteý monıtorınginde, 8 túlek – eńbekpen óteý boıynsha (oqýǵa, bala kútimine jáne t.b. baılanysty) sharttyq mindettemelerdi oryndaýdy keıinge qaldyrdy, sondaı-aq 16 túlek jumysqa ornalasý kezeńinde. Osylaısha, «Bolashaq» halyqaralyq stıpendııasyn taǵaıyndaý úshin úmitkerlerdi irikteý qaǵıdalaryna sáıkes, 2025 jyly oqýyn jáne taǵylymdamasyn aıaqtaǵan barlyq túlekter Qazaqstanǵa oraldy, - dep atalyp ótken.
Aıta keteıik, jaqynda 225 qazaqstandyq «Bolashaq» halyqaralyq stıpendııasynyń ıegeri atandy.
Eske salsaq, 2024 jyly «Bolashaq» baǵdarlamasy aıasynda 230 adam oqýyn aıaqtady.