2025 jyly Astanada jaryq baǵasy óse me
ASTANA. KAZINFORM – Elordada 2025 jyly elektr energııasynyń quny bıylǵydan 18,4 paıyzǵa ósýi múmkin. Bul týraly elordada ótken jarııa tyńdaýda «Astana-AEK» AQ jarııalaǵan ótinimde aıtylǵan.
«Astana — aımaqtyq elektrjelilik kompanııasy» elordalyq tutynýshylarǵa elektr qýatynyń turaqty ári sapaly qoljetimdiligin qamtamasyz etedi. Kompanııanyń qyzmet kórsetý kólemi 104 829 shartty birlikti quraıdy. Qalada 5393 shaǵyn stantsııa bar, onyń 1781-ine «Astana-AEK» qyzmet kórsetedi. Elektr jelisiniń uzyndyǵy 6042 km.
— 2020 jyly QR UEM Tabıǵı monopolııalardy retteý komıteti Astana qalasy boıynsha departamentiniń buıryǵy boıynsha 2025 jylǵy tarıf 1 kılovatqa 4 teńge 88 tıyn mólsherinde bekitilgen. 2023 jyldyń qańtarynda QR «Tabıǵı monopolııalar» týraly zańyna, sonyń ishinde tarıfti belgileý bóligine ózgerister engizilgen. Soǵan saı, «Astana-AEK» AQ jergilikti ókiletti organdarǵa jylyna bir ret shyǵyndardyń ósýine baılanysty tarıfti qaıta qaraýǵa ótinim bere alady, — dedi atalǵan kompanııanyń Basqarma tóraǵasynyń ekonomıka jáne qarjy jónindegi orynbasary Nurlan Ońǵarbaev.
Kompanııa ókili shyǵyndardyń ósýine strategııalyq taýarlardy satyp alý, qyzmetkerlerdiń jalaqysyn kóterý jáne teńgerimge jańa nysandardyń qosylýy áser etetinin atap ótti.
— «Astana-AEK» AQ 2025 jylǵy tarıfti qaıta qaraý týraly ótinim ázirledi. Oǵan saı bir kılovattyń baǵasy — 7,94 teńge. Bul 2024 jylǵa bekitilgen tarıften 18,4 paıyz joǵary, — dedi ol.
Spıkerdiń aıtýynsha, 2025 jylǵy tarıftiń kóterilýine yqpal etken negizgi faktorlardyń biri — ınvestıtsııalyq baǵdarlamanyń ósýi. ıAǵnı, qosymsha 2 003 651 000 teńge ınvestıtsııa tartylady. Bul shara energııa nysandarynyń tozý kórsetkishin tómendetý, kórsetiletin turaqty qyzmetter sapasyn jaqsartý, elektr jelilerindegi apat jaǵdaılaryn azaıtýǵa baǵyttalǵan.
Aıta keteıik, buǵan deıingi ótken jarııa tyńdaýda elordada keler jylǵa jańa jylý tarıfin belgileý máselesi kóterilgen edi.