2025 jyly Almatyda 300 shaqyrym jol jóndeledi

ALMATY. KAZINFORM — Bıyl Almatyda jalpy uzyndyǵy 223 shaqyrym 253 kóshege jóndeý jumystary júrgizilgen. Bul týraly Almaty qalasynyń Qalalyq mobıldilik basqarmasy habarlady.

Bıyl jóndelgen joldyń ishinde uzyndyǵy 57 shaqyrym 20 magıstral kóshege, sondaı-aq uzyndyǵy 30 shaqyrymdaı jaıaý júrginshiler joldaryna jáne 40 aıaldama alańdaryna ortasha jóndeý jumystary júrgizilgen. 

Onyń ishinde: 

— Alataý aýdany — 66 kóshe;
— Almaly aýdany — 15 kóshe;
— Áýezov aýdany — 18 kóshe;
— Jetisý aýdany — 29 kóshe;
— Medeý aýdany — 33 kóshe;
— Naýryzbaı aýdany — 22 kóshe;
— Túrksib aýdany — 36 kóshe;
— Bostandyq aýdany — 34 kóshe.

— 2025 jyly uzyndyǵy 300 shaqyrym kóshe jol jelisiniń jabynyn ortasha jóndeý jumystarymen qamtý josparlanǵan. Ortasha jóndeý jumystary júrgiziletin kóshe tizimderi aýdan ákimdikterimen kelise otyryp, sondaı-aq turǵyndardyń ótinishi boıynsha qurylady, — dedi Qalalyq mobıldilik basqarma basshysynyń orynbasary Asan Bostanov.

Eske salaıyq, buǵan deıin Qaraǵandy oblysynda 1 myń shaqyrymnan astam jol jóndelgenin jazǵanbyz.