2025 jyly «Almaty jastary» baǵdarlamasymen úı alatyn jastar sany kóbeıedi
ALMATY. KAZINFORM – Almatyda qalalyq máslıhattyń kezekti XXIV sessııasy ótti. Jıyn barysynda Almaty qalasynyń 2024-2026 jyldarǵa arnalǵan bıýdjetine ózgerister engizildi.
Almaty qalasy Qarjy basqarmasynyń basshysy Qanat Sýhambekova «Almaty jastary» turǵyn úı baǵdarlamasyn qarjylandyrýǵa qosymsha 1,4 mlrd teńge bólýdi usyndy.
– «Almaty jastary» turǵyn úı baǵdarlamasyn qarjylandyrý jalǵastyrylady. Ol úshin bıýdjetten qosymsha 1,4 mlrd. teńge bólinetin bolady. Bul áleýmettik, quqyq qorǵaý, kommýnaldyq jáne basqa da salalarda eńbek etetin jas azamattar úshin qosymsha 80 ıpotekalyq nesıe alýǵa múmkindik beredi, - dedi ol.
Sondaı-aq onyń aıtýynsha, ishki ister organdarynyń 2 510 qyzmetkeriniń turǵyn úı jaǵdaıyn jaqsartý maqsatynda jergilikti bıýdjetten qosymsha 2,5 mlrd teńge bólý josparlanǵan.
Qalalyq máslıhat depýtattary Almaty qalasynyń 2024-2026 jyldarǵa arnalǵan bıýdjetine ózgerister engizý týraly usynysyn qabyldady.
Eske salaıyq, bıyl «Almaty jastary» baǵdarlamasy aıasynda 1 200 adamǵa turǵyn úı satyp alýǵa keminde zaem berilgen bolatyn.