2025 jyly «Alma-Arasan» radon kózi jańartylady
ALMATY. KAZINFORM - Emdik qasıetterimen tanymal «Alma-Arasan» radon kózin qazirgi ınfraqurylymnyń jaǵdaıyna, qala turǵyndary men týrısterdiń kóptegen shaǵymyna baılanysty jańartý týraly sheshim qabyldandy. Bul týraly qalalyq Máslıhattyń baspasóz qyzmeti habarlady.
«Alma-Arasanǵa» sońǵy jóndeý jumystary 2019 jyly júrgizilgen. Sondyqtan demalys orny zamanaýı standarttarǵa sáıkes kelý úshin rekonstýrktsııalaýdy qajet etedi.
- Abattandyrý jobasy ınfraqurylym obektilerin tolyq rekonstrýktsııalaýdy kózdeıdi. Negizgi is-sharalardyń qatarynda qaýipsiz syrǵanaýǵa qarsy jabyndary bar jańa kópirler ornatý, jol jelisin jáne jaıaý júrginshiler aımaqtaryn jańartý bar. Eń qaýipti ýchaskelerde qorshaýlary bar baspaldaqtar ornatylady, sondaı-aq zaqymdalǵan elementterdi kúsheıtý jáne aýystyrý júrgiziledi. Sonymen qatar barlyq ýchaskeniń palýbasy bolat tordan jasalady, bul jazda da, qysta da qaýipsizdikti qamtamasyz etedi, - dep habarlady qalalyq máslıhattan.
Sondaı-aq joba aıasynda týrısterge relefti baǵdarlaýǵa kómektesetin, radon kóziniń emdik qasıetterimen tanystyratyn jańa kórsetkishter men aqparattyq stendterdi ornatylady.
Eske salaıyq, buǵan deıin 2025 jyly Almaty oblysynda sý shaıyp ketken 3 kópir jóndeletinin jazǵanbyz.