2025 jyly áleýmettik mindettemeler tolyq oryndaldy — Úkimet
ASTANA. KAZINFORM — Byltyr bıýdjet shyǵystary 99 paıyzǵa oryndaldy. Bul týraly Májilistiń jalpy otyrysynda Úkimettiń 2025 jylǵy respýblıkalyq bıýdjettiń atqarylýy týraly esebin talqylaý kezinde Qarjy mınıstri Mádı Takıev málim etti.
— Respýblıkalyq bıýdjet shyǵystary 99%-ǵa oryndalyp, 25,5 trln teńgeni qurady. Úkimet tarapynan barlyq áleýmettik mindettemeler oryndaldy. Óńirlerdi qoldaýǵa 7,7 trln teńge baǵyttalǵan bolsa, áleýmettik salaǵa 9,3 trln teńge jiberildi, — dedi M. Takıev.
Onyń aıtýynsha, ulttyq jobalar aıasynda 198 mekteptiń, jáne 655 densaýlyq saqtaý obektisiniń qurylysy aıaqtaldy. 10 myńnan astam stýdent úshin 30 jataqhana paıdalanýǵa berildi.
Sonymen qatar byltyr barlyq qarjylandyrý kózi esebinen 20,1 mln sharshy metr turǵyn úı paıdalanýǵa berildi. Halyqtyń áleýmettik osal toptary úshin,
5 141 turǵyn úı satyp alyndy.
Budan bólek, ınjenerlik ınfraqurylymdy damytý jónindegi jumystar jalǵasyp keledi. 980 km ınjenerlik — kommýnıkatsııalyq ınfraqurylym jelisi salyndy. Sýmen jabdyqtaý jáne sý burý júıeleriniń
6,3 myń km jelisi salyndy jáne jóndeldi.
Aıta keteıik, buǵan deıin mınıstr byltyr bıýdjet kirisine teris áser etken salalar ataǵan edi.
