2025 jyly áleýmettik qyzmet kórsetetin uıymdardy lıtsenzııalaý engiziledi
ASTANA. KAZINFORM – 2025 jyldan bastap áleýmettik qyzmetkerlerdi mindetti attestatsııadan ótkizý, áleýmettik qyzmet kórsetetin uıymdardy lıtsenzııalaý engiziledi. Bul týraly QR Eńbek jáne halyqty áleýmettik qorǵaý vıtse-mınıstri Asqarbek Ertaev málimdedi.
«Aımaqtarda ońaltý ortalyqtarynyń qurylysyn jalǵastyrý josparlanýda. Inklıýzıvti turýǵa arnalǵan ámbebap dızaın negizindegi shaǵyn syıymdylyqtaǵy úıler jelisin keńeıtý de josparlanǵan. Bul qazirgi statsıonarlyq jaǵdaıdaǵy arnaýly áleýmettik qyzmet kórsetý ortalyqtaryna balama retinde qarastyrylyp otyr. Arnaýly áleýmettik qyzmetterdiń sapasyn arttyrý áleýmettik qyzmetkerler úshin jańa kásibı standarttardy engizý arqyly múmkin bolady. 2025 jyldan bastap áleýmettik qyzmetkerlerdiń tizilimi jáne olardyń mindetti attestatsııasy, áleýmettik qyzmet kórsetetin uıymdardy lıtsenzııalaý engiziledi», - dedi vıtse-mınıstr OKQ alańynda ótken baspasóz máslıhatynda.
Asqarbek Ertaevtyń aıtýynsha, áleýmettik kodeksti iske asyrý aıasynda elimizde múgedektigi bar adamdar úshin áleýmettik qyzmet júıesin jańǵyrtý bastalǵan.
«Semeı, Taraz jáne Kentaý qalalarynda 150 oryndyq 3 ońaltý ortalyqtary qoldanysqa berildi. Elimizdiń 6 óńirinde (Shymkent, Pavlodar, Óskemen, Taldyqorǵan, Taraz jáne Qostanaı) aýtızm spektriniń buzylýy bar balalarǵa jáne basqa da mentaldyq buzýshylyqtary bar balalarǵa kúndizgi bolý ortalyqtary ashyldy», - dedi spıker.
Aıta keteıik, buǵan deıin elimizde qansha múgedek adam bary aıtyldy.
Sondaı-aq, 2030 jylǵa deıingi Inklıýzıvti saıasat tujyrymdamasy ázirlengenin habarladyq.
Odan bólek, eldegi múgedektigi bar adamdardyń jumyspen qamtý deńgeıi nebári 28%-dy quraıtynyn jazǵan edik.
