2025 jyly álemdegi eń baı 25 el anyqtaldy
ASTANA. KAZINFORM — Visual Capitalist portaly ázirlegen ınfografıkada 2025 jyly eń joǵary ál-aýqat deńgeıine ıe elderdiń úsh reıtıngi usynylǵan, dep habarlaıdy AZERTADJ.
Sol jaq baǵanda elder jan basyna shaqqandaǵy jalpy ishki ónim (2025 jylǵa arnalǵan Halyqaralyq valıýta qorynyń derekteri), ortasynda — jan basyna shaqqandaǵy jalpy ulttyq tabys (2024 jylǵa arnalǵan Dúnıejúzilik banktiń derekteri), al oń jaq baǵanda — medıandyq ál-aýqat deńgeıi boıynsha (2024 jylǵa arnalǵan Shveıtsarııanyń UBS banki derekteri) suryptalǵan.
Ár túrli krıterıılerdi qoldaný memleketterdiń eń baı elder reıtıngindegi pozıtsııalaryna aıtarlyqtaı áser etetini anyq. Barlyq úsh tizimge de alǵashqy bestikke engen jalǵyz memleket — Lıýksembýrg boldy. Ol jan basyna shaqqandaǵy jalpy ishki ónim boıynsha birinshi orynda ($140,9 myń) jáne medıandyq ál-aýqat boıynsha birinshi orynda ($395,3 myń) tur, al jan basyna shaqqandaǵy jalpy ulttyq tabys boıynsha tórtinshi orynda ($91,5 myń). Bul rette ol Bermýd araldaryna ($140,3 myń), Norvegııaǵa ($98,2 myń) jáne Shveıtsarııaǵa ($95,9 myń) jol beredi.
2025 jyly jan basyna shaqqandaǵy jalpy ishki ónim boıynsha eń baı on eldiń reıtıngi kelesideı:
• Lıýksembýrg — $140,9 myń;
• Irlandııa — $108,9 myń;
• Shveıtsarııa — $104,9 myń;
• Sıngapýr — $92,9 myń;
• Islandııa — $90,3 myń;
• Norvegııa — $89,7 myń;
• AQSh — $89,1 myń;
• Makao — $76,3 myń;
• Danııa — $75 myń;
• Qatar — $71,7 myń.
Osydan buryn jumys pen ómir cúrý kórsetkishi eń jaqsy elderdiń reıtıngi jarııalandy.
