2025 jyly álemde ushaq apattarynan 418 adam qaza tapty

ASTANA. KAZINFORM — Mundaı statıstıkany Germanııanyń avıatsııa salasy odaǵy AQSh-tyń Aviation Safety Network portalynyń derekterin taldaý negizinde jarııalady, dep habarlaıdy DW.

Bul platformada álem boıynsha azamattyq avıatsııada bolǵan oqıǵalar tirkelip otyrady. Degenmen bul statıstıkaǵa áý apattarynyń bári emes, tek syıymdylyǵy 14 adamnan asatyn ushaqtardyń apattary ǵana engizilgen.

Osy málimetterge sáıkes, ótken jyly áýe oqıǵalary saldarynan 352 jolaýshy, 33 ekıpaj múshesi jáne jerdegi 33 adam qaza tapqan.

Bul kórsetkish 2024 jylmen (334 adam) salystyrǵanda joǵary. Alaıda 50 jyl burynǵy jaǵdaımen salystyrǵanda aıtarlyqtaı tómen. Ótken ǵasyrdyń 70-jyldary áýe apatynda qaza tabý yqtımaldyǵy 264 000-ǵa 1 bolsa, qazirgi tańda bul kórsetkish 11 459 330-ǵa 1 adam.

Sonymen qatar sol ýaqyttan beri áýe jolaýshylarynyń sany shamamen 10 ese ósip, jylyna 4,7 mlrd adamǵa jetken.

Eske sala ketsek, byltyrǵy eń iri áýe apaty — Air India áýe kompanııasyna tıesili Boeing 787-8 Dreamliner ushaǵynyń Úndistannyń Ahmadabad qalasynda apatqa ushyraýy boldy.

Sondaı-aq Aqtaý mańynda apatqa ushyraǵan ázerbaıjandyq ushaqqa qatysty aralyq habarlama jarııalandy. 

Al Almatyda Bek Air ushaǵynyń apatyna baılanysty sot úkimi shyqty.